Voafantina anaty lisitr’ireo mpitsara “Elite A 2024”
Taorian’i Yann Vezo Davidson eo amin’ny taranja basikety dia voantso hiatrika fiofanana any ivelany, ary tafiditra ao anatin’ny lisitra navoakan’ny kaonfederasiona afrikanina ny baolina kitra na ny CAF ilay mpitsara malagasy vehivavy, Hanjavola Dominique Rosa. Ity lisitra ity dia ny « Elite A 2024 » ka izay mpitsara rehetra tafiditra ao anatin’izany dia hanaraka fiofanana izay hatao ny 09 hatramin’ny 13 jona ho avy izao any Le Caire, renivohitr’i Egypta. Tafiditra ao anatin’ny fanomanana sy fikarakarana ny tompon-dakan’i Afrika 2024 sokajy vehivavy izao, izay hatao any Maraoka any. Arak’izany ary dia maromaro ireo zavatra hiofanan’i Hanjavola Dominique Rosa sy ireo mpitsara afrikanina voantso miaraka aminy mandritra ireo andro maromaro ireo, ka isan’izany ny fifehezana ny fitsipi-dalao vaovao izay napetraka, fa eo koa ny fampivoarana ny lentan’ny fomba fitsarana eo amin’izany tontolon’ny baolina kitra izany
Ary
